Utløpt

Fast 65,5% stilling for sjukepleiar pt. på natt

Arbeidsgiver: Divisjon psykisk helsevern, Psykiatrisk klinikk - Seksjon for alderspsykiatri
Stillingstittel: Fast 65,5% stilling for sjukepleiar pt. på natt
Frist: 20.08.2017
Ansettelsesform: Fast

Bli kjent med Haukeland universitetssjukehus

Seksjon for alderspsykiatri er ein del av Psykiatrisk Klinikk og har førebels plassering i det nye Barne- og ungdomssjukehuset/BUS. Seksjonen behandlar pasientar med psykiske lidingar som debuterer etter fylte 65 år.

Alderspsykiatriske lidingar er kjenneteikna ved at det er samanheng mellom psykiatrisk og somatisk sjukdom, eller mellom psykiatrisk sjukdom og biologisk, psykologisk eller sosiale aldringsfenomen. Døme kan vere alvorleg depresjon, invalidiserande angstliding og akutt forvirringstilstand, ofte med organiske årsaker. Vi tar også imot pasientar med uavklart kognitiv svikt med psykiatriske tilleggssymptom, paranoide tilstandar og andre funksjonelle lidingar.

Seksjonen består i dag av ei døgneining med 9 plassar og ein poliklinikk med ambulante tenester. Seksjonen planlegg å auke til 12 plassar i januar 2018.

Helse Bergen ønskjer som hovudregel å tilby fulle stillingar. Dersom du ønskjer full stilling, kan du få dette ved delt stilling ved Bemanningssenteret i føretaket. Tilsette ved Bemanningssenteret arbeider ved ulike einingar på sjukehuset, noko som gir deg breiddeerfaring frå fleire fagfelt. Stillinga i Bemanningssenteret blir tilpassa arbeidsplanen ved avdelinga og ein vil kunne få dagvakter om ønskjeleg.

Arbeidsoppgåver

Sjukepleiefaglege og praktiske oppgåver knytta til pasientoppfølging og drift i seksjonen

Kvalifikasjonar

Norsk autorisasjon som sjukepleiar.
Ønskjeleg med minimum eit års erfaring som sjukepleiar.
Må beherske norsk både munnleg og skriftleg. Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må minimum ha bestått Bergenstesten, eller annan norsktest på B2-nivå. Dokumentasjon må leggjast ved søknad.
Engasjement og interesse for å jobbe med eldre menneske.
Gode IKT-kunnskapar.
Det blir lagt vekt på at du er personleg eigna for stillinga med tanke på haldningar, motivasjon og kommunikasjon

Utdanning

Høgskule/universitet, diplom-/ bachelorgrad
Sjukepleiar
Sjukepleie
Sjukepleie videreutdanning

Eigenskapar

Du tar personleg ansvar for at oppgåver blir gjort.
Du søker aktivt råd og rettleiing og kjenner eigen kompetansegrense.
Du kommuniserer og samarbeider godt.
Du held deg roleg, objektiv og kontrollert i stressande situasjonar, og arbeider stabilt under press.

Vi tilbyr

Stillingsbrøk: 65,5%
Eit godt og inkludarende kollegie
Moglegheit for oppbygging av spesialisert fagkompetanse
Løn i samsvar med gjeldande overeinskomst
Gode pensjons- og forsikringsordningar

Om arbeidsgiveren

Helse Bergen, Haukeland universitetssjukehus, har over 12.000 tilsette som har som mål å gi best mogleg behandling og pleie til pasientane våre, og rett opplæring til våre pasientar og pårørande. Kvart år behandlar vi over 800.000 pasientar og bidreg i utdanninga av eit par tusen helsearbeidarar. Forsking er ei viktig oppgåve, og vi er blant dei fremste i landet innanfor dette feltet. Les meir på www.helse-bergen.no eller facebook.

Sektor: Offentlig
Sted: Haukelandsbakken 15, 5021 Bergen
Bransje: Helse og omsorg
Stillingsfunksjon: Sykepleier,; Sykepleier / Psykiatri,; Sykepleier / Eldreomsorg